Muslim unity

Posted on November 20, 2016

Itehaad bainul-muslimein

“Yad rakho ba-khuda agr aaj tum ne mghe mar dala to qiamat tk ek sath nemaaz na parh sakoge our na hi ek sath jahad kr sakoge”
khalifaewaqt ne apne makan ki chat se baghiun ko khitaab krte hue farmaya. Liken baghuin ne darwazu ko aag lagai our dosre chatun ke zarea khalifa ke ghar mein dakhil hokar khalifae waqt ko shaheed kr dea. Ye khalifa Hazrat Usman (R.A) the. Wo din our aaj ka din na musalman ek sath nemaaz na parh sake our na hi ek sat jahad kr sake.

Hazrat Usman (R.A) ki shahadat k baad Hazrat Ali (R.A) khalifa chun lea gae. Qassas-e-Usmani ki bunyaad par musalmaan do grohun mein taksem hogae ou aapas mein lr pare. 40 hijri mein mahe ramzan ki eek subha Hazrat Ali (R.A) subha ki nemaaz parhne masjid mein dakhil ho rhe the k eek shkhs ne talwaar ke war se Hazrat Ali ( R.A) ko shaheed kr dea. Hazrat Ali (R.A) ke baad Banu-umia ke dour ka aghaz hua. Unhun ne Khilafat ko Badshahat bnane ki koshish ki to Hazrat Imam Hussain (R.A) haq ka parcham uthae maidan mein agae our yun ek bar pher 9,10 muharam 61 hijri ( 10 Oct, 680) ko Kalma-go aapas mein lare our Hazrat Imam hussain ko shaheed kr dea. Is ke baad Hajaj bin yousuf ne 695 A.D mein Makka ka muhasra kr lea. Hazrat Abdullah bin Zubair (R.A) ko shaheed kia our pore arab dunya par Banu-umaya ki hokomat ho gae. Islami saltanat ki hadein barhte barhte sindh tk a puhanchi our 92 hijri 712 easwi mein musalmanu ka nujawan sepa salaar Muhammad bin qasim Sindh a puhancha. Raja dahir ko shikast di our pani ki tarah behta hua multan tk islami jhanda lehra dea. 4 saal baad Damishk mein musalmanu ka khalifa Waleed bin abdul malik wafaat pa gaya our nae khalifa Salman bin Abdul malik ne khalifa bnte hi Mohammad bin Qasim ko giriftaar kr ke jail mein daal dea our pher wahein 22 saal ki omer mein shaheed krwa dea..Is ke baad Babar Dara e Khyber ke raste baresagheer mein dakhil hua our 1526 easwi mein Mughal saltanat ki bunyaad rakhe. Isi Babar ka baita Humayun 1542 easwi mein sind ki zameen se bhagta hua Iran faraar hau our is ki waja koi our ni ek our musalman sher sha suri tha. 5 saal our 5 din ki hukumat ke baad wo bhe rukhsat hua our mughal saltanat dobara qaim hogai. Mughal saltant mein Badshahat ki muntaqilli ka ajeeb qanoon tha. Kisi badshah ke mrne par us ke tamaam baitun mein jang chir jati our sare bhayun ko chit krne ke baad jo zinda bachta wo naya badshah hota. Aapas mein lrte lrte saari qowat khatam hogae to aakhir September 1857 mein bahadur shah zafar ko grittaar kr ke angraiz baresagheer par kabiz ho gae. 90 saal ki hukoomat ke baad 1947 mein Mohammad Ali jinnah aae jinhun ne na talwaar na chako, sirf sachae ke osulun se Angraizun ko nekaal bahir kea. Is kaam mein in ka sath khan Liaqat Ali khan ne dea our is tarah wo Pakistan ke pehle wazireAzam bne. Leken inhein bhe 16 October 1951 ko goli maar kr shaheed kr dea gaya. Kae saal bad ek our science ka mijahid paida hua jis ne atom bomb bna kr islami dunya ke qilay ko naqabiletaskheer bna dea. Liken hameesha ki tarah ek dosre musalmaan hi ka nishana bna jis ne inhein pakar kr ghar mein nazar bnd kr dea.
Hazrat Usman (R.A) ki shahadat se leker aaj 1432 hijri tk musalmanu ki tareekh utha kr parhi jae to kai sawall zehen mein ate hain. Aakher Itehaad bainul-muslimein
qaim qioun na reh saka. Musalmaan aapas mein hi q lrte rhe? Agr ye aapas mein na lrte to kia aaj dunya ka naqsha kuch our hota? Our ye kb tak ase aapas mein lrte rhe ge? Abhe ye sawal zehen mein hi hote hain k in sb ko katna hua ik qoul ajata hai k
“Yad rakho ba-khuda agr aaj tum ne mghe mar dala to qiamat tk ek sath nemaaz na parh sakoge our na hi ek sat jahad kr sakoge” .[ Hazrat Usman (R.A)].
haqiqatan Hazrat Usman (R.A) ki shahadat k baad na musalmaan ek sath nemaaz parh sake our na ek saath jahad kr pae. Iqbal ne sahi hi kaha tha.
Haram-e-paak bhi Allah bhi Quran bhi ek
kuchh bari baat thi hote jo Musalman bhi ek

Syed Shahan.
Peshawar

Videos Going Viral

This Cute Little Pakistani Gir
Qatar Royal Family Reached Lah
Exclusive Video: Arrest Of Abd
Naam war Anchor Par Qatilana H
MQM’s Rehman Bhola Wife
Kiya Huwa Jab Abid Sher Ali Ne
Exclusive Video Of MQM’s
Very Interesting Moment When t
Watch Danial’s diversion
Jahalat Bhi Yeh Dekh Kar Sharm