سو لفظوں کی کہانیاں ۔۔۔ چہتر سے اَسّی

Posted on November 1, 2016

Dated: November 01, 2016
سو لفظوں کی کہانیاں ۔۔۔ چہتر سے اَسّی
تحریر: سید انور محمود
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سو لفظوں کی کہانی نمبر 76۔۔۔۔ سرجیکل ا سٹرائیک ۔۔۔۔۔۔
حکومت نے لالوکھیت (لیاقت آباد) میں بھارت سے ہجرت کرکے
آنے والوں کو اسی گز کے پلاٹ پر ایک ٹین کی چھت کا کمرہ بناکر دیا تھا
میں اور شرفو دونوں لالوکھیت میں پیدا ہوئے تھے
بھارت نے پاکستان پر سرجیکل ا سٹرائیک کا دعویٰ کیا تو
میں نے شرفو سےپوچھا سرجیکل ا سٹرائیک کیا ہوتا ہے
شرفو بولا وہ تو ہم بچپن میں رات کے اندھیرئے میں کرتے تھے
ہم لوگوں کی چھتوں پر پتھر پھینک کر بھاگ جاتے تھے
آج بچے لوگوں کی گھنٹی بجاکر بھاگ جاتے ہیں
اس گندی حرکت کو سرجیکل ا سٹرائیک کہا جاتا ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سو لفظوں کی کہانی نمبر 77۔۔۔۔ ماں ۔۔۔۔۔۔
اختر کہہ رہا تھا کہ یہ ضروری نہیں ہےکہ
آپ کے پاس پیسے نہ ہوں تو بھوکے سوئیں
ہمارا خاندان والد، بڑئے بھائی ، چھوٹی بہن اور میں
والدہ کے انتقال کے بعد والد نے چچا کی شادی کردی
بڑئے بھائی کبھی دیرسےگھر آتے توان کو بھوکا سونا پڑتا تھا
چچی روٹی اور سالن اپنے کمرئے میں رکھ کر سوجاتی تھیں
ایک دن بڑئے بھائی سوتے میں روتے ہوئےامی امی پکار رہے تھے
دوسری صبح ان سے سوتے میں رونے کا سبب پوچھا تو بولے
بچہ رو رو کر ماں کو جب ہی پکارتا ہے جب وہ بھوکا ہوتا ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سو لفظوں کی کہانی نمبر 78۔۔۔۔ میں مالک ہوں ۔۔۔۔۔۔
گذشتہ ماہ خوشی بھائی نعرہ لگارہے تھے ‘میں مالک ہوں، میں مالک ہوں’
میں نے نعرہ کی وجہ پوچھی تو بو لے کمپنی میں یونین کے انتخاب تھے
اور میں اپنی ہی کمپنی کی یونین کا بلا مقابلہ صدر بن گیا ہوں
کیوں آپکے سامنے آپکی کمپنی کا کوئی کارکن نہیں کھڑا ہوا؟
بولے کس کی ہمت ہے جو ایسا کرتا
آج دوپہر ایک خبرنشر ہوئی کہ وزیراعظم نواز شریف
اور مسلم لیگ ن کے سربراہ اپنی ہی پارٹی کے بلا مقابلہ صدر منتخب ہوگئے
بے ساختہ مجھے خوشی بھائی کا نعرہ یاد آیا ‘میں مالک ہوں، میں مالک ہوں’
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سو لفظوں کی کہانی نمبر 79۔۔۔۔ دس روپے کی اوقات ۔۔۔۔۔۔
دس روپے کا نیاسکہ پیدا ہوا تو اس کے ابا ڈاربہت خوش تھے
دس روپے کا سکہ دس پیسے کے سکے سےملا تو
طنزیہ پوچھاتیری کیا اوقات تھی؟
دس پیسے کا سکہ بولاتیری قیمت مجھ سے سو فیصد زیادہ ہے
لیکن عرصے تک مجھے دیکر لوگوں کوایک روٹی ، یا
بس میں پانچ کلومیٹر سفریا پھرایک کپ چائے کی سہولت حاصل تھی
اب تو بتا کہ تیری کیا اوقات ہے؟
دس روپے کا سکہ شرمندگی سےبولا
ائے دس پیسے کے سکے میری اوقات تو تجھ سے بہت کم ہے
روتے ہوئے بولاہائے ابا ڈار تو نے مجھے کیوں پیدا کیا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سو لفظوں کی کہانی نمبر 80۔۔۔۔ 30 اکتوبر۔۔۔۔۔۔
عمران خان نے پہلے 30 اکتوبر کو اسلام آباد بند کرنے کا اعلان کیا تھا
سابق وزیر اطلاعات پرویز رشید مردان کے ایک جلسے میں
بہت دبنگ انداز میں کہہ رہے تھے
عمران خان 30 اکتوبر کو اسلام آباد میں نہیں کہیں اور ہونگے
وزیراعظم نواز شریف نےپرویز رشید کو 30 اکتوبر سے
پہلے ایک خبر لیک ہونے پروزارت سے ہٹادیا
30 اکتوبر کوعمران خان تو بنی گالا اسلام آباد میں ہی موجود تھے
لیکن پرویز رشید کہاں تھے معلوم نہیں
لوگ کہتے ہیں کہ وزیر اعظم کےلیے پرویز رشید کی قربانی دی گئی ہے
بدلتا ہےرنگ آسماں کیسے کیسے

Videos Going Viral

Stunning Run out By Asad Shafi
Waseem Akram On Junaid Jamshed
What Rashid Latif Said About J
Bilal Qutb Golden Words For Ju
See What Women Said About Mamn
Junaid Jamshed Chitral Main Na
Aaj Apki Chappal Bhi Toot Gai
Amir Liaquat Chitrols Najam Se
Last audio message of JunaidJa
Amitabh Bachan Ne Facebook Li