ایران نے پاکستان کے بارڈر پر حملہ کر دیا، پاکستانیوں میں غم و غصے کی لہر دوڑ گئی

Posted on July 27, 2016



کوئٹہ(مانیٹرنگ ڈیسک)بھارت کے بعد ایران بھی اشتعال انگیزی پر اتر آیا،ایرانی فورسز نے سرحدی حدود کی خلاف ورزی کرتے ہوئے پاکستانی علاقے میں مارٹر گولے فائر کئے تاہم اس واقعہ میں کسی قسم کا کوئی جانی ومالی نقصان نہیں ہوا۔تفصیلات کے مطابق منگل کے روز ایرانی فورسز نے پاکستانی علاقے پنجگور کی تحصیل پروم میں متعدد مارٹر گولے داغے گئے جس سے علاقے میں شدید خوف وہراس پھیل گیا ،ایرانی فورسز کی جانب سے مارٹر گولے آبادی کے قریب آگرے تاہم خوش قسمتی سے اس واقعہ میں کسی قسم کا کوئی جانی و مالی نقصان نہیں ہوا۔واقعہ کے بعد سکیورٹی فورسز کی بھاری نفری جائے وقوعہ پر پہنچ گئی اور علاقے کا مکمل کنٹرول سنبھا ل لیا۔واضح رہے کہ اس سے قبل بھی ایرانی فورسز نے کئی بار پاکستانی حدود کی خلاف ورزی کی جس پر پاکستان نے ایران سے شدید احتجاج ریکارڈ کرایا۔