چائے بیچنے والے کی بیٹی جج بن گئی

Posted on January 3, 2016



عدالت کے باہر چائے فروخت کرنیوالے کی بیٹی اسی عدالت کی جج لگ گئی

عدالت کے باہر چائے فروخت کرنیوالے کی بیٹی 23 سالہ شروتی نے جج بن کر باپ کا سرفخر سے بلند کر دیا۔
نئی دہلی(ویب ڈیسک) بھارت کے ضلع جالندھر میں سب ڈویژنل مجسٹریٹ کمپلیکس کے باہر سرندر کمار ایک عرصے سے چائے فروخت کر رہے ہیں لیکن انہوں نے کبھی سوچا بھی نہ تھا کہ جس عدالت کے باہر کھڑے رہ کر وہ چائے فروخت کرتے ہیں اسی عدالت کے اندر جا کر ان کی بیٹی جج کے فرائض انجام دے گی۔

23 سالہ شروتی نے پنجاب سول سروس کا امتحان پاس کر کے اکیڈمی میں ایک سال کی تربیت حاصل کی اور اب وہ لوگوں کو انصاف فراہم کر رہی ہیں ۔انہوں نے بتایا کہ وہ ہمیشہ سے ہی قانون کے پیشے سے منسلک ہونا چاہتی تھی اور دل میں جج بننے کی خواہش تھی جس کی تکمیل کیلئے دن رات محنت کی اور سول سروس کا امتحان پاس کر کے اپنے باپ کا سر فخر سے بلند کر دیا۔

Source:- http://urdu.dunyanews.tv/index.php/ur/World/315812#sthash.pPOnmR7O.AyFSeGRn.dpuf