میڈونا نے قرآن کا مطالعہ شروع کردیا

Posted on October 5, 2013



پاپ اسٹار میڈونا نے قرآن سے متاثر ہو کر اس کا مطالعہ شروع کردیا

نیویارک: امریکی پاپ اسٹار میڈونا نے انکشاف کیا ہے کہ وہ آج کل قرآن پاک کا مطالعہ کررہی ہیں۔

پاپ اسٹار میڈونا نے ایک میگزین میں لکھے گئے اپنے مضمون میں انکشاف کیا ہے کہ وہ جب 19 سال کی عمر میں نیویارک آئیں تو اس وقت ان کے دن اس طرح نہیں گزرے جیسے انہوں نے سوچے تھے اور پہلے ہی سال انہیں بندوق کی نوک پر عمارت کی چھت پر زیادتی کا نشانہ بنایا گیا، اس واقعے نے ان کی زندگی ہی بدل دی۔ ان کا کہنا ہے کہ نیویارک آنے کے بعد کئی مرتبہ ان کے فلیٹ کے تالے توڑے گئے اور سامان چوری کیا گیا لیکن انہوں نے اس تمام مشکل حالات میں ہار نہیں مانی اور محنت کرتی رہیں۔

میڈونا کا اپنے مضمون میں کہنا تھا کہ وہ آج کل اسلامی ممالک میں لڑکیوں کے لیے اسکول بنارہی ہیں اور قرآن کا بھی مطالعہ کررہی ہیں کیونکہ وہ سمجھتی ہیں کہ مقدس کتابوں کو پڑھنا انتہائی اہم ہے اور اس سے آپ کی زندگی میں مثبت تبدیلی آتی ہے۔