Long March phase 2 ky Jayalon ke naam !!!!!!!!!!!!!!

Posted on August 23, 2013



Jo log is waqt long march phase 2 ki tyari kr rhy hen unko ek baar misar k halat ki tarf dekhna chahye, shaam or somalia ky haal pe ghor krna chahye. Yeh ummat mar rhi hy or unko long march ki sooj rahi hy. Yaqinan yeh log is waqat ki noiyyat se bekhabar hen jo muslim dunia pe aa chuka hy. Sawal yeh hy k long march kr k akhir yeh log kia hasil kr len gy. Awwam or government ki jang hui to fatah fouj ki hogi jo dobara berrackon se nikal kr parliment me ghus jaye gi. Long march krne walon k hissy me yehi kuch aye ga, kursi unki hath to nhi aye gi. Is baat ki kia daleel hy k fouj 62 or 63 pe poora utry gi? Sawal yeh hy k agr fouj bhi 62 or 63 pe poori na utri to kiayeh revolution ky jayaly un k khilaf bhi long march kren gy? mera khyal hy k nhi kren gy. Revolution k wo hawari jo road pe nikal aty hen un me kia wo log shamil nhi jo pesy de kr or siyasi asar-o-rasookh k zariye job hasil krty hen, jo apny hamsaye ko tang krty hen, jo doodh me pani milaty hen, jo apny kaamon k lye rishwat dety or lety hen, jo sood khaty hen. Ager aisy log is march me shamil hen to yakinan yeh long march jaez or buht mubarak hy or ager inki aksariyat bhi aisi he hy jo k mehsoos hota hy k hy, to phir in k lye behtr yehi hoga k yeh apny he khilaf he long march kr len. Pakistan pehly he buht masail ka shikar hy jahan NIC dekh kr goli mar di jati hy. Pakistan me ek he waqat me kai jangen chal rhi hen jis me siyasi, mazhabi, subai, lisani or pata nhi kis kis kism ki jangen shamil hen. Danai to yehi hy k mulk ko jamhori tor pe he chalny dia jaye or hr shaks apna apna kaam imandari k sath kare. Jinhen inqilaab ka shok he wo apni zindagi me inqilaab le aen. Ghar theek na ho to mulk theek ni kiye ja skty. Allah Pakistan ko tmam androni or berooni shar or fitnon se mahfooz rakhy. Ameen